英國春天總係攰、頭重重? 10個生活調理方法幫你在英國去濕排毒!
英國春天成日落雨,天氣又濕又冷,搞到成日攰、頭重重、個人冇精神? 🤯 濕氣重仲會影響 腸胃、皮膚、關節,甚至 成日水腫、難瘦身! 如果你有呢啲症狀,代表你身體 濕氣太重,係時候去濕排毒💦,重拾輕盈狀態! 今次我整合10個超簡單生活調理方法,等你英國春天都唔怕濕氣困擾!
呢個問題困擾咗我超過兩個月,每日都覺得頭部沉重、眼矇矇,成日好似冇精神,無論飲幾多咖啡都提唔起勁!
最誇張嘅係大便變得軟黏,沖廁竟然沖唔走! 🚽 每次大完都見到馬桶內仲殘留住啲污漬,搞到我懷疑自己腸胃出咗問題!

起初我完全唔知道發生咩事,以為係食壞肚,或者只係因為英國天氣轉變影響腸胃。但後來,我開始發現,皮膚仲差咗!
🔍 上網查咗之後,先知呢啲全部都係「濕氣重」嘅典型症狀!
🌧️ 濕氣重嘅 6 大症狀,你中咗幾多?
🌧️ **英國春天又濕又冷,濕氣太重,搞到成個人冇晒精神?**如果你經常覺得:
💨 頭部沉重、成日頭暈、眼矇矇
💨 四肢攰到無力,行兩步就覺得累
💨大便軟黏: 糞便相當軟黏、沖不下去並殘留在馬桶內
💨 成日腸胃脹氣、消化唔好
💨 關節痠痛,特別係落雨前更明顯

呢啲都係典型嘅 「濕氣症狀」! 🤢 **濕氣太重,會影響身體運作,搞到你成日攰、做嘢冇精神,仲會令腸胃差、皮膚變差!**加上倫敦春天成日落雨,屋企濕度高,唔識調理嘅話,濕氣會積聚愈來愈多!
**唔想濕氣纏身?**即刻試吓呢 10 個簡單又有效嘅去濕排毒方法,幫你喺英國春天都保持 精神飽滿、身體輕盈!💪🍵✨
💨 保持室內乾爽,唔好畀濕氣困住!
英國春天又濕又冷,屋企最容易積濕氣!試試呢啲方法:
✅ 用除濕機,理想濕度保持 50-60%
✅ 朝早開窗通風,令空氣流通
✅ 每個月曬被鋪一次,保持乾爽舒適,防止潮濕發霉
📌 小貼士:濕氣重會影響睡眠,瞓醒仲攰過訓前!保持乾爽超重要!
🍵 1. 中醫食療去濕排毒,內外調理!
英國春天雖然逐漸回暖,但濕氣仍然較重,特別係倫敦等地,陰雨綿綿,容易導致體內濕寒積聚,搞到人疲倦、頭重、關節唔舒服、胃口唔好。以下呢幾款簡單易做嘅中醫食療,幫你去濕驅寒,保持元氣滿滿!
✅ 祛濕驅寒茶飲
🍵 薏米赤小豆茶(健脾利濕)
材料:生薏米 30g、赤小豆 30g、茯苓 10g、陳皮 5g
做法:
- 所有材料洗淨,泡水 30 分鐘。
- 加 1L 水,煮沸後轉小火煮 30-40 分鐘,代茶飲用。
- 功效:健脾化濕、消水腫、改善身體沉重感。
🍵 生薑紅棗茶(溫補去濕)
材料:生薑 3 片、紅棗 5 顆、桂圓 3 顆、枸杞 10 顆
做法:
- 紅棗去核,與其他材料一起加 500ml 水煮 15 分鐘。
- 代茶飲用,可加適量蜂蜜。
- 功效:溫中散寒、補氣血、改善手腳冰冷。
🍲 祛濕暖身湯品
🍲 四神湯(健脾祛濕)
材料:蓮子 20g、茯苓 20g、淮山 20g、芡實 20g、瘦肉 300g
做法:
- 所有材料洗淨,瘦肉汆水去腥。
- 煲湯 1.5 小時,加少許鹽調味。
- 功效:健脾去濕、改善消化不良、增強免疫力。
🍲 老火薑湯(溫陽散寒)
材料:生薑 5 片、老母雞半隻、紅棗 5 顆、當歸 5g
做法:
- 所有材料放入鍋中,加 1.5L 水,燉 2 小時。
- 可加少許鹽,趁熱飲用。
- 功效:溫補陽氣、改善怕冷、月經不調。
🥗 祛濕暖身日常飲食建議
✅ 少食生冷食物:如生魚片、冰飲、沙拉,避免寒濕內生。
✅ 多食健脾食物:如薏米、紅豆、南瓜、山藥、蓮子,有助去濕。
✅ 適量使用辛香食材:如生薑、蔥、蒜、花椒,幫助驅寒暖胃。
📌 小貼士:呢啲食療簡單易做,而且喺英國都可以輕鬆買到材料!
抓緊陽光,提升陽氣!
英國春天陽光唔多,但見到太陽就要 出去曬一曬!
✅ 早上曬太陽 10-15 分鐘,補充維他命 D
✅ 做深呼吸,吸收陽氣,提升身體能量
✅ 周末多去公園散步,減少壓力
📌 小貼士:陽氣足,身體自然冇咁容易累!
☀️ 英國秋冬春日照時間短,當心季節性情緒失調(SAD)!
隨著英國秋冬季節日照時間縮短,許多人因為缺乏陽光 而感到 精力下降、情緒波動,這往往會導致 季節性情緒失調症(SAD)。
你有冇發現:
🌙 冬天會特別貪睡,點訓都訓唔夠?
🍞 食慾特別大,成日想食高碳水化合物(麵包、飯、意粉)?
😞 心情低落,無端端覺得唔開心、冇動力?
如果你有以上情況,咁你可能係 生活喺高緯度地區,屬於 6% SAD 憂鬱症人士之一!
🌞 SAD 光療燈 就係喺呢段時間變得尤為重要!呢類燈 模擬自然陽光,可以幫助 提升體內血清素水平,改善情緒、專注力和精力,令你 喺寒冷、黑暗嘅季節中都保持積極和高效!
🔆 推薦光療燈品牌:Beurer & Lumie®
🔹 Beurer 品牌
Beurer 成立於 1919 年,有著近百年悠久歷史,2012 年更榮獲 「德國世紀品牌」 殊榮。早期 Beurer 以電熱毯起家,後來成為德國最大嘅電熱毯製造廠,同時亦係德國健康生活用品嘅領導品牌。佢哋不斷研發新技術,提升居家保健品質,為消費者帶嚟更優質嘅生活體驗。
🔹 Lumie® 品牌
Lumie® 係 光療專家 同 日光燈鬧鐘 嘅發明者,1991 年於 英國劍橋 成立,過去 30 多年一直專注於 光療燈研究、設計和開發。佢哋嘅產品獲得醫學認證,並且專門針對 SAD(季節性情緒失調症) 設計,幫助用家喺冇陽光嘅日子提升精神狀態!
🔥 做運動出汗 + 桑拿,濕氣即走!
💦 出汗 係最簡單直接嘅去濕方法!春天成日落雨,出街跑步未必方便,但可以喺 室內運動,甚至 蒸桑拿,幫助排汗去濕!
✅ 瑜伽/拉筋:刺激淋巴,促進排毒
✅ HIIT/跳繩:快速出汗,加快濕氣代謝
✅ 八段錦:傳統中醫氣功,幫助身體循環
✅ 桑拿Sauna:高溫加速出汗,深層排毒去濕
📌 小貼士:每日 30 分鐘運動 + 每月2-3 次桑拿,汗一出,成個人都輕盈晒、精神滿滿! 💪💦🔥
💆♀️ 按摩去濕穴位 + 面部刮痧,幫身體排毒!
中醫話,有啲穴位可以幫助排濕,自己喺屋企都可以按!同時,面部刮痧 都係一個極好嘅方法,幫助促進面部血液循環,舒緩壓力,改善水腫問題!
👉 三陰交(腳內側):去濕活血
👉 足三里(小腿):健脾強身
👉 太衝穴(腳背):疏肝排毒
👉 面部刮痧:促進面部循環,幫助排水,改善臉部浮腫
📌 小貼士:每日按摩 5 分鐘,配合面部刮痧 3-5 分鐘,有助身體排走多餘水份,令你面部更緊緻,身體輕盈!
每晚浸腳,逼走寒濕!
濕氣重?每晚浸腳 15 分鐘,效果勁快!
🔥 生薑浸腳:加 5 片生薑落熱水,驅寒排濕
🔥 艾草浸腳:加艾葉去濕,改善手腳冰冷
🔥 鹽水浸腳:促進血液循環,放鬆身心
📌 小貼士:浸到微微出汗就最有效!
早睡早起,養好脾胃
夜訓會 傷脾胃,影響身體去濕功能!建議:
✅ 11 點前瞓,幫助身體排毒
✅ 朝早飲暖水,促進腸胃蠕動
✅ 避免夜晚食生冷食物,減少濕氣累積
📌 小貼士:每日 7-8 小時優質睡眠,先可以真正回復精神!